ქალთა მხარდაჭერის ათივე ცენტრში საინფორმაციო შეხვედრები ჩატარდა. შეხვედრის მონაწილეებმა მოისმინეს ინფორმაციები ძალადობის მსხვერპლთა სერვისებზე, გაეცნენ არასამთავრობო ორგანიზაციების პროგრამებს ძალადობის პრევენციის და მსხვერპლთა დახმარების მიმართულებით.
შეხვედრის მონაწილეებმა ქალთა საჭიროებებზეც ისაუბრეს: აღინიშნა, რომ ახალი პროფესიები, ეკონომიკური გაძლიერების პროგრამები ხელს შეუწყობს ქალების დამოუკიდებლობას და მათ ინტეგრაციას საზოგადოებაში.
მონაწილეებმა ცალსახად გამოკვეთეს, რომ ქალი არ არის დაცული, მავნე სტერეოტიპების მსხვერპლია. მიაჩნიათ, რომ ინფორმირება და განათლება შექმნის პრევენციულ გარემოს და ამ კუთხით აუცილებელია მუშაობის გაძლიერება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სხვადასხვა თემაზე დადგმული სცენების შემდეგ მაყურებელი დისკუსიაში ერთვება და ყოველთვის მესამე პირში საუბრობს. თუმცა ძალადობის ისეთ ისტორიებს ყვება, ადვილად მიხვდები, რომ საკუთარი ან მისი ახლობლის ისტორიაა. რეალობაზე აგებული სცენები შთამბეჭდავად მოქმედებს ყველა ასაკის ადამიანზე. ამიტომაც ყოველთვის აქტიურია აუდიტორიის ჩართულობა.
ივლისში ფორუმ-თეატრმა ორი წარმოდგენა ჩაატარა ქუთაისის პარკებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ზაფხულის ცხელ დღეებში ადამიანის გონება მიმართულია დასვენებისკენ, ამიტომ ფსიქოლოგის შეხვედრების თემა იყო „განტვირთვა და დასვენება“. თანამედროვე ცხოვრების ტემპიდან გამომდინარე, სულ უფრო დიდი მნიშვნელობა ენიჭება დასვენებას, რადგან სამსახურით და საშინაო საქმეებით დატვირთული კვირის შემდეგ ძალების აღდგენა აუცილებელია.
როდესაც ვახსენებთ დასვენებას, პირველი, რაც გვახსენდება, არის ძილი, მაგრამ გამოძინება საკმარისი არ არის. არსებობს განტვირთვის სხვადასხვა ფორმა. შეხვედრებზე სწორედ განტვირთვის 7 ფორმებზე ისაუბრეს: ფიზიკური, მენტალური, სოციალური, სულიერი, ემოციური, სენსორული და შემოქმედებითი განტვირთვა. დასვენება არ არის წელიწადში ერთხელ ქალაქგარეთ ან ქვეყნის საზღვრებს მიღმა წასვლა. განტვირთვის სახეობებიდან მარტივი აქტივობის ამორჩევა და შესრულება ყოველდღიურად შეგვიძლია - ეს აუცილებელია შინაგანი სიმშვიდისა და კეთილდღეობისთვის.
ქალთა ფონდი „სოხუმის“ ფსიქოლოგმა ეკატერინე ქვაჩაკიძემ ივლისში შეხვედრები გამართა ჩოხატაურის, ხურჩის (ზუგდიდის მუნიციპალიტეტი), სამტრედიის, წყალტუბოს და წალენჯიხის ქალთა მხარდაჭერის ცენტრებში.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
თერჯოლელი ქალებისთვის ახალი სასწავლო კურსი დაიწყო - პრაქტიკული სწავლება ესთეტიკური ცენტრის „სოფიანას“ ბაზაზე მიმდინარეობს მისი დამფუძნებლის, კოსმეტოლოგ სოფიო ბანძელაძის მენტორობით
დღის სარეაბილიტაციო ცენტრის ბენეფიციარები სწავლობენ კლასიკურ კოსმეტოლოგიას, სახის კანის ტიპებს, მათთან დაკავშირებულ დაავადებებს, მოვლას, წმენდას, მეზოთერაპიას, ქიმიურ პილინგს და სახის მასაჟს
ქალთა ფონდი „სოხუმის“ გამოცდილებით, ეს სასწავლო კურსი თერჯოლელ ქალებს ახალ პროფესიულ უნარს შესძენს, რაც შეუძლიათ დამოუკიდებელ საქმედ აქციონ.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
კიდევ ერთი ჯგუფის სასწავლო კურსი დასრულდა ქუთაისის დღის სარეაბილიტაციო ცენტრში.
ნიჭიერმა ქალებმა პოლიმერული თიხის დამორჩილების საიდუმლო ისწავლეს და სერთიფიკატებიც მიიღეს.
მათი უკუკავშირი ასეთია:
„მსგავს თერაპიაზე ვერც ვიოცნებებდი. თან ახალი პროფესია ავითვისე“.
„თქვენ სასწაული მოახდინეთ ჩემს ცხოვრებაში - ძალა დამიბრუნეთ“.
„აღმოვჩნდი საჭირო დროს საჭირო ადგილზე საჭირო ადამიანებთან ერთად. მადლობა ფონდის ყველა წევრს“.
„თუ თქვენი მხარდაჭერაც იქნება, ამ საქმეს მომავალშიც გავაგრძელებ. ბედნიერად ვგრძნობ თავს. მადლობა ამისთვის“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
სოფელ კოკში (ზუგდიდის მუნიციპალიტეტი) მრგვალი მაგიდა გაიმართა. ქალთა ფონდი „სოხუმის“ იურისტმა ისაუბრა ქალთა მიმართ ძალადობის ან/და ოჯახში ძალადობის მსხვერპლთა გამოვლენის, მათი დაცვის, დახმარებისა და რეაბილიტაციის ეროვნული რეფერირების პროცედურების და ჩვენი ორგანიზაციის სერვისების შესახებ. შეხვედრის მონაწილეებმა მიიღეს ინფორმაცია არასამთავრობო ორგანიზაციების როლსა და პოზიტიურ გავლენაზე.
შეხვედრის ერთ-ერთმა მონაწილემ აღნიშნა: „არასამთავრობოების სერვისები მნიშვნელოვანია სხვადასხვა ჯგუფისთვის. მე, როგორც ძალადობის მსხვერპლს, ძალიან დამეხმარა თქვენი სარეაბილიტაციო სერვისი, დღეს უფრო დამოუკიდებელი და ძლიერი ვარ“.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
დოკუმენტში წარმოდგენილია ქალთა ფონდი „სოხუმის“ მიერ 2024 წლის მარტი-მაისში 10 სამიზნე მუნიციპალიტეტში ჩატარებული კვლევის მიგნებები. კვლევის ფარგლებში გამოიკითხა 1027 ქალი. ჩატარებული რაოდენობრივი კვლევის ცალკეული მიგნებები ეხება ძალადობის მსხვერპლთა მხარდაჭერის სერვისებისადმი ხელმისაწვდომობას და ქალების ინფორმირებულობის დონეს აღნიშნული სერვისების მიმართ. კვლევის შედეგები აჩვენებს, რომ 2023 და 2024 წლებში სერვისების შესახებ არაინფორმირებულ/ნაკლებად ინფორმირებულ ქალთა მაჩვენებელი თითქმის იდენტურია (დაახლ. 39%); შედარებით მაღალი ცნობადობა გამოიკვეთა სახელმწიფო თავშესაფრებისა და სახელმწიფო იურიდიული სამსახურების მიმართ (შემთხვევათა დაახლ. 37–46%); ძალადობის მსხვერპლთა მხარდაჭერის სერვისების შესახებ ინფორმირების ძირითადი წყაროებია არასამთავრობო ორგანიზაციები და სოციალური ქსელები; მოწყვლადი კატეგორიის ქალების 46.1%-ს არ მიუწვდება/ნაკლებად მიუწვდება ხელი მხარდამჭერ სერვისებზე (გასულ წელთან შედარებით მაჩვენებელი შემცირებულია 9%-ით); სერვისებისადმი ხელმისაწვდმობას ძირითადად აფერხებს შეზღუდული და არაადეკვატური სატრანსპორტო ინფრასტრუქტურა (26.4%), ხელმისაწვდომი სერვისების შესახებ ინფორმაციის ნაკლებობა და არაკვალიფიციური/უხარისხო მომსახურება (დაახლ. 25%%).
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
დოკუმენტში წარმოდგენილია ქალთა ფონდი „სოხუმის“ მიერ 2024 წლის მარტი-მაისში 10 სამიზნე მუნიციპალიტეტში ჩატარებული კვლევის მიგნებები. კვლევის ფარგლებში გამოიკითხა 1027 ქალი. ჩატარებული რაოდენობრივი კვლევის ცალკეული მიგნებები ეხება ძალადობის მსხვერპლთა მხარდაჭერის სერვისებისადმი მიმართვას. დოკუმენტის ფოკუსი მიემართება ძალადობის ადრეულ ეტაპზე იდენტიფიცირების და მისი გავლენის შემცირების მნიშვნელობას სერვისებისადმი მიმართვის საშუალებით. კვლევის შედეგების მიხედვით, 2023 და 2024 წლებში გამოკითხული ქალების 16%-ს არ მიუმართავს არცერთი მხარდამჭერი სერვისისთვის. ზოგადად, მიმართვიანობის ყველაზე მაღალი მაჩვენებელი 2024 წ. დაფიქსირდა პოლიციის (112) და ცხელი ხაზის (116 006) მიმართ (შემთხვევათა დაახლ. 45-48%%). მიზეზებს შორის, თუ რატომ არ მიმართავენ არცერთ მხარდამჭერ სერვისს ძალადობის შემთხვევაში, წამყვანია „სტიგმა და საზოგადოების განკითხვის შიში“ (შემთხვევათა 27.9%).
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ფორუმ-თეატრის წარმოდგენები ჩატარდა ქუთაისის ახალგაზრდულ ცენტრში. აქტიური დისკუსია გამოიწვია მიგრაციის თემამ, რაც, მაყურებლის აზრით, საკმაოდ დიდი პრობლემაა საზოგადოებისთვის. ამჟამად მიმდინარეობს სარეპეტიციო მუშაობა ახალ სცენებზე, ასევე მნიშვნელოვანია მოხალისეთა გუნდის რაოდენობრივი მატება.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)
ქალთა მხარდაჭერის ცენტრების საქმიანობაში აქტუალურია ისეთი ოჯახების იდენტიფიცირება, რომლის წევრებსაც კრიზისი აქვთ ურთიერთობაში. ინფორმაცია ქალთა უფლებებზე, კონფლიქტის მართვის საკითხებზე პრევენციულ ხასიათს ატარებს და ამცირებს ძალადობის გამომწვევ რისკებს.
შეხვედრებს ყოველთვიურად ახალი ბენეფიციარები ემატება, ფსიქოლოგის სერვისით მოსარგებლეთა რაოდენობაც გაიზარდა. ეს ყველაფერი ხელს უწყობს საზოგადოებაში არაძალადობრივია გარემოს შექმნას.
პროექტი ხორციელდება ორგანიზაცია Brot für die Welt - Evangelischer
Entwicklungsdienst მხარდაჭერით (გერმანია)